Thursday, July 23, 2015

thumbnail

అలకపాన్పు

అలకపాన్పు    

- ఆచంట హైమవతి.

     
అలక పాన్పు  ఎక్కారు  అల్లుడుగారు!
అసహాయుడై  దిగులందె  ఆ మామగారు!
బంధువులు - మిత్రులు - వరసైనవారు...
గుమిగూడి  సలహాలనివ్వసాగిరంత...! 
స్కూట రడుగు - మోటర్ సైకిలడుగు
రేడియో  అడుగు - రేడియంవాచీ  అడుగు,
వీడియో  అడుగు -  ష్టీరియో  అడుగు,
టేకు  మంచాలడుగు - పట్టు పరుపులదుగు,
స్వంత  ఇల్లడుగు - స్వర్ణమాలలడుగు...అనుచుండ-
' వరుడు' గారు  చిరునవ్వు  చిల్కుచుండ -
చెలగాటమాడు  'పిల్లి' పక్క   ఎలుక వోలె... 
సంకట  పడుచుండె  కన్యాదాతగారు.. !?
ఈ స్థితి   గమనిం చిన   'వధూమాత'కు -
తన పెళ్లి  గుర్తొచ్చి....తాపమ్ము హెచ్చె!
కళ్లెఱ్ఱ్రజేసి   మగని  వైపుకి  తిరిగి... 
దగ్గరకు  వెళ్లి  'దర్పముగ' చూసి,
మూతి  తిప్పె   ముప్పది మూడు వంకరల. 
 అ డి(లి)గితిరి  ఆనాడు... తీర్చుడనె-ఈ నాడు!!
గుర్తొచ్చి... మారు  పల్కలేక  మిన్నకున్న-
'నాటి' గర్విష్టి  అల్లుడే - నేటి  కన్యాదాత!
పరికించుచుండిరి  పెళ్ళివారంత....
కుతూహలమ్ము  హెచ్చ- వింతగాను!
'కన్యాగ్రహీతను'...మరియు...కన్యాదాతను.
స్థితి  'విరసము' కాకుండగనె----
వక్కాణించె  'వరుడు' బహు  సరసుండై!
నా కాంత  నా చేతికి మనసార  ముద్దిడిన...
నా  'అలక' చాలింతునిది  నిక్కమనెను!
'పతి' మంచితనమెరిగి - బహు సంతసిల్లి,
సిగ్గుల  మొగ్గాయె  శింగారి శ్రీగౌరి...!
                   ముద్దిడె 'పతి' చేతిపై  ముగ్ధ మోహినియై!!                 

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information