Monday, June 22, 2015

thumbnail

‘గోదావరి మాత’

‘గోదావరి మాత’

 శ్రీమతి సుజాత తిమ్మన


అర్థ దేహమిచ్చిన పతి సవతిని (గంగను)

తెచ్చి తలమీద పెట్టుకున్నాడన్న అక్కసుతో...

పరమేశ్వరుని శిరసు నుండి ఆమెను భూలోకానికి

పంపేయాలన్న తలంపుతో, తనయులతో కలసి గౌరి

ఆడిన కుటిల నాటకమే మూలమైనది  గోదారమ్మ అవతరణకు!

శివుని సిగపాయల నుండి అలవోకగా జారి,

గౌతమ ముని వెంట ఆకాశ దేశము నుండి

పవిత్ర తపోభూమి యైన ‘బ్రహ్మగిరి’ని చేరి,

విగత గోమాతకు ప్రాణమొసగి,

త్ర్యంబకేశ్వర లింగాన్ని మనసారా కౌగలించుకొని,

జ్ఞానసరస్వతీదేవిని ముచ్చట తీరా పలుకరిస్తూ...

పాపికొండల నడుమ పరువాల ఒయ్యారాలు పోతూ...

సౌందర్యారాధకుల గుండెలు (కో)దోస్తూ...

భద్రాద్రి రాముని పాదాల చేరి భక్తిగా అలల తలలు వంచి మ్రొక్కి,

ఆ మహద్భాగ్యాన్ని దాచుకొని తల్లి గోదావరి...

అమందానందముతో రాజమహేంద్రవరం పరిసరాల

పరవళ్ళ ఒరవళ్ళ రత్నాకరుని చేరు సంబరాన

ఏడుపాయలుగా చీలి, సప్త ఋషుల నామాలను అలంకరించుకొని

శివకేశవ ఆలయ సముదాయాల పుణ్యఫలాన్ని తనలో ఇముడ్చుకొని,

‘తల్లీ మమ్ము కాపాడుమంటూ...’ తనలో  మూడు మునకలేసిన చాలు,

ఆ పుణ్యఫలాన్ని జనులకూ పంచుతూ వారి పాపాలను తనలో కలుపుకుంటూ...

అదే చిరుగలల రావాలతో, అవే సోయగాల సిరులను మోసుకుంటూ...

సముద్రునికి అంకితమౌతూ, అతనిలోనే లీనమౌతుంది,

పరమపావని ‘గోదావరి మాత!’

***


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information