Wednesday, March 18, 2015

thumbnail

ఉగాది కవి సమ్మేళనం

ఉగాది కవి సమ్మేళనం

-      కంచర్ల మాధవి


మా పెరడు వేదికగ కవుల సమ్మేళనము

చిరుగారి నీరెండ పుష్పాల పరిమళము

తలవూచి చెట్లన్ని స్వాగతం పలుకగా

కవులు వచ్చారండి కువకువాలాడుతూ...    

 

గోరింక తనకవిత గానమ్ము చేయగా

కొబ్బరి చెట్టుపై కొలువు దీరింది

మానవులు పక్షులు మామంచి మిత్రులని

మనసులో మమతను మధురముగ పాడింది        

 

మా పెరడు వేదికగ కవుల సమ్మేళనము

కవులు వచ్చారండి కువకువాలాడుతూ...    

 

జామ చెట్టు మీద చిలుక కవిగారు

ఆడపిల్లా చదువు అవనికే వెలుగనీ

అలతలతి మాటలతో అలవోకగా తన

గేయమును హాయిగా గానమే చేసింది

 

మా పెరడు వేదికగ కవుల సమ్మేళనము

కవులు వచ్చారండి కువకువాలాడుతూ...    

పరిసరాలన్ని పచ్చపచ్చగ ఉంటె

కాలుష్య రాక్షసీ కోర చాపక ఉంటె

చీకు చింతా లేక జీవించనా అంటు

పంచమ స్వరములో పాడింది కోయిల

 

మా పెరడు వేదికగ కవుల సమ్మేళనము

కవులు వచ్చారండి కువకువాలాడుతూ...    

కళ్లు తెరిచీ చూడ కలకరిగిపోయె

దొంతరల ఇంటిలో నేను బందిగ నేడు

చిననాటి గురుతూ చిగురించదా అంటు

ఎంతగానో నేను ఎదురు చూస్తున్నాను

 

మా పెరడు వేదికగ కవుల సమ్మేళనము

కవులు వచ్చారండి కువకువాలాడుతూ...  


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information