Sunday, February 22, 2015

thumbnail

అక్షరమే 'అమ్మ '

అక్షరమే 'అమ్మ ' 
 - సుజాత తిమ్మన 


అనాధని అని.. అందరూ అంటారు..కాని.. 
 అమ్మ కాని అమ్మ...... అక్షర అమ్మ నాకు తోడైంది.. 
 అక్కరకు రాని చుట్టాలు నాకెందుకు ? 
 అలరించే పదాలను .. అల్లికల దారంతో బంధిస్తూ.. 
 అల్లిబిల్లి కవితలను అలవోకగా వ్రాసేస్తూ.. 
 "అమ్మకి.." అంకితమిస్తా.....! 

 అనురాగలతలను పెనవేసుకుంటూ.. 
 అర్పణలోనే జీవితం సాగిస్తా..! 
 అన్ని భాషలలోనూ... అగ్రగామిగా నిలిచిన తెలుగుతనం... 
 అమృతమంటి పలుకుల కమ్మదనం.. 
 ఆచంద్ర తారార్కము నిలిచి ఉండేలా 
 అలుపెరుగక శ్రమిస్తా...! 

 అమ్మని మరువనీయక .. 
 అందరి మనోభావాలను ఒకటి చేస్తా....! 
 అర్ధ రహిత విదేశీయతను నిరసింపజేస్తూ.. 
 అన్నం ..ఆవకాయలోని ఆంధ్రీకరణని తెలియజేస్తా..!
***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information