Wednesday, October 22, 2014

thumbnail

మహాకవి

మహాకవి 
- డా.వారణాసి రామబ్రహ్మం

తన కవితలలో నిండి జీవించి ఉండును                           
మహాకవి తానున్నను లేకున్నను 
కదలికలాగి ఒడలు కట్టెగా మారినను 
మరణము లేదు ఆతని భావ శరీరమునకు 
క్షణ భంగురమైన దేహముననే 
ప్రభవించును చిరముగ నిలచు స్ఫురణలు 
ఊపిరి ఆగునది తోలుతిత్తికి 
ఊహల ఉయ్యాలలూగి ఊసులుగ 
మార్చు ఉత్తమునికి కాదు 
నిశ్శబ్దమున జనించు తలపులు 
అగును శబ్ద అర్థ భరిత కావ్యములు 
పవళించినను తాను దీర్ఘ నిద్రకై 
శయనించి ఉండును తన కవితా శాయిపై 
నిలిచి ఉండును ఆడిన పలుకులు 
లేకపోయినను పలికిన పెదవులు 
ప్రకృతి ఆతని చెలి 
సలుపును పదములతో కేళి 
ప్రవహించు  గోదావరి 
పొంగు నీలి సంద్రము 
ఇముడునాతని గురులఘువుల 
అవ్యక్త ఆత్మజనిత 
చైతన్య దీప్తి కవీశ్వరుడు 
సాహితీ తాతల తండ్రుల 
మించు మనుమడు 
రసికులైన నాగరికులు 
స్మరింతురు ఆతని కమ్మని కవితలు 
ఇంపార గానము చేతురు 
కవి హృత్ కమల దివ్య వికాసములు 



Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information