Friday, September 26, 2014

thumbnail

కావ్యనాయిక

కావ్యనాయిక

- పూర్ణిమ సుధ

వింటి నుండి వీడిన శరము నారి వీనులవిందైన శ్రావ్యమగు పాట నారి రోజంత అష్ఠావధానమొనరుచు నీకమర్చును అన్నీ, నీ క్షేమమ్ము కోరి నీ అందెల సవ్వడి నీ మాటల ఒరవడి నీ గుండెల్లోని తడి ఓదార్పే నీ ఒడి... ముద్దు మురిపాల తోడ తాను నట్టింట లక్ష్మియై పరిఢవిల్లు దినదిన ప్రవర్థమానమగు శుక్ల పక్ష చంద్ర శోభ రీతి వన్నెల కుసుమమంటి కన్నె మనసు వాడిపోని ’వాడి’ చూపు వేడి దురితదమనమిక తప్పదని చాటు కలకంఠి కన్ను రువ్వు చూపు కరుణ కూడ చూపు, లలన సుమన కల్మషమెరుగని స్వాతిముత్యంలా స్వచ్చమైన స్వేచ్చా విహంగం లా అరవిరిసిన పువ్వులా పసిపాల నవ్వులా చల్లని వెన్నెల్ని తడినేల నుండి చీల్చుకు, తలపైకెత్తి చూచు చిగురులా... ఆకాశం చీల్చుకు వచ్చే చిరు వాన చినుకులా చినుకుతో సంగమించిన పుడమికి పుట్టిన వనిలా గుండె తలుపును తట్టే ఆమనిలా ఉంటుంది అమ్మతనం అలంకారమయిన అమ్మాయిలా... ఒక హిమ బిందువులా ఒక క్షీర మహి సింధువులా ఏవో లోకాలలో ధ్యానించే తపస్వినిలా మది ఎరిగి, మసలే మనస్వినిలా క్షీరసాగర మథన పాలసంద్రము నీవు పాలపుంతలు వెలయు పడతి నీవు ఇన్ని వర్ణలలేల ? ఒక్క మాటయె చాలు బాపు కుంచె ప్రసవించిన అతివ నీవు... అని కావ్యనాయకి స్థాన మినుమడింప జేయుచు కావ్య రచనమ్ము చేసె బాపుబొమ్మ..!

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information