Friday, August 22, 2014

thumbnail

అ|సంబద్ధం

అ|సంబద్ధం

_________

- తిలక్ బొమ్మరాజు

ఈ గోడలిలానే అచ్చు మనలాగే నిలబడ్డాయి

ఎప్పటికీ కూలి పడని పావురాలు

ఇంకో వేర్పాటు మన మధ్యే

ప్రణాళికో

ప్రహేళికో

పాదాలకు సరిపడా చోటు

అద్దం

యుద్ధం

సంసిద్ధం

అసంబద్దం

ఎవ్వరికేం నరాలు ఇంకా ఏర్పడలేదు

ఓ ప్రక్కనెక్కడో తల

హిమాలయాల క్రింద నలిగి పడుతూ

ఆలోచనలు అగ్గిపుల్లలై నిలబడడం

కాలపు పిట్టగోడపై

మళ్ళా కక్షలో  దిగబడని శరీరం

గగనంలో తోకచుక్కలు

నాలుగు  మిణుగురులు

నా అడుగులు చీకట్లో వేస్తున్న నాట్లు

ముద్దగా తడి ఇంకుతూ

నిర్మాణాలన్నీ

హేతుబద్ధం

విభజన రేఖ అంతరాళంలో

నిలువునా కోస్తూ

నీకు నాకు మధ్య

నిర్మితం

నిస్సంకోచంగా

నిశ్శబ్దంగా

తొలుస్తూ తొలుగుతూ....


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information