Monday, June 23, 2014

thumbnail

తుంటరి

తుంటరి
--- రచన: రామాసుందరి
కొండపక్క వాగులో
పారుతున్న నీటిలో
విచ్చుకొన్న నీలికలువ
అడిరిపడ్డదొక్క క్షణం
ఎవరా తుంటరి
ఎందుకలా చూస్తాడు
వినువీధిని విహరిస్తూ
వెక్కిరించి పోతాడు
కలువ కన్నె స్వగతాలను
కన్నెతనపు పోకిళ్ళను
ముచ్చటగా చూచుచున్న
తల్లి ఏరు నవ్వుకొనియె
వయసు చేత వలపు చేత
వంగియున్న కలువలేమ
తల్లి నవ్వు చూచి తలచి
తలచ చిందులెయ్య సాగె
అతని గూర్చి తెలుసుకొనగ
ఆమెకెంతో వేడుకయ్యె
అమ్మనడుగుదామంటే
పాడు సిగ్గు అడ్డమయ్యె

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information