Wednesday, April 23, 2014

thumbnail

ఆత్మహంస - పెయ్యేటి రంగారావు

ఆత్మహంస 
- పెయ్యేటి రంగారావు

ఎగురుకుంటూ పోతున్నాయి విహంగాలు గగనంలో
ఏలా ఈ ఆత్మహంస ఎగురకుంది తనువొదిలి?  ||
1. పక్షములొదవిన తక్షణమే ఇక
పక్షులెగురునే వియత్తలమ్మున
పక్షములెన్నో వయసుకు చేరెను
కమలాక్షా, నీ కక్ష ఏటికో
పరమాత్మా, ఈ ఆత్మను చేదుకో ||
2. ఘడియ ఘడియకు బోయలారుగురు
శరములనెన్నో దూస్తూ వుంటే
తడవ తడవకు తాపము పెరిగెను
తనువు పైననే తామసమాయెను
పరమాత్మా, ఈ ఆత్మను పిలుచుకో ||
3. పురుషార్థమ్ముల అర్థ కామముల
ధ్యాసయెగాని ఇతరము లేదు
జీవితమనగా ముగియని కథగా
వెతలను పెంచెను, వేధను గూర్చెను
పరమాత్మా, ఈ ఆత్మను కలుపుకో ||
(పక్షములు = రెక్కలు.  పక్షములు = కృష్ణపక్షము, శుక్లపక్షము.  బోయలారుగురు = అరిషడ్వర్గములు.  పురుషార్థములు - ధర్మార్థ కామ మోక్షములు.  అర్థము   = కోరిక, ధనము.)
 

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information