Saturday, March 22, 2014

thumbnail

ఆవకాయ - రచన: సుమలలిత ఆత్రేయపురపు

వంటింటివెనక పెరట్లో పచ్చాని పెద్దఅరిటాకు... కోసితెండి కాస్త నీరు చిలకరించి... పొగలు సెగలు చిమ్ము అన్నభాండము తెచ్చి.. చల్లారుదాకా ఊరుకోకండి... గరిటెతో గబగబా వడ్డించి ఆపై వేయండి అపుడే తీసిన కొత్తావకాయ ... చురుకుమంటున్నా అన్నాన్ని కలుపుతూ ధారగా పోయండి వెన్నకాచిన నేయి.. పచ్చపచ్చని ఆకులో.. ఎర్రఎర్రని ఆవకాయ అన్నము.. ప్రతిముద్దకీ కాస్త పేరిన్నెయ్యినంచి... సిద్దంగా ఉండండి స్వర్గానుభూతికి.. ఈరుచికి మరియే రుచి సాటి యగునా... కనులుమూయకనే లోకాన్ని మరిచి.. అస్వాదించండి వేడి చల్లారకుండా... అప్పుడే అయినదా? లేదండిలేదు.. వేయండి ఇంకొక్క ఆవకాయముక్క... ఆవకాయ కొసరుకి మొహమాటమేల? ఆంధ్రదేశమున పుట్టిపెరిగిన అదృష్టవంతుడా... ఎంత పుణ్యము చేసితివో ఆవకాయ రుచిచూడ!!!

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information