Sunday, March 30, 2014

thumbnail

నూతన వత్సరానికి స్వాగతం!


నూతన వత్సరానికి స్వాగతం!
రచన :శ్రీనివాస్ యనమండ్ర
----------------------------------------

ప్రభాత ప్ర్యత్యూష కిరణాలు - ఉషోదయపు ఉషస్సులు
నమామి దైవ స్త్రోత్రములు - స్మరామి గురుప్రవచనాలు
తలుపులకు మామిడాకు తోరణాలు – తలపులకు ధ్యానమార్గ ప్రేరణలు
తనువు చుట్టిన కొంగొత్త వస్త్రములు – తపన పెంచిన సరికొత్త వర్ణములు
షడ్రుచుల ప్రసాద సేవనము – షట్కర్మల ఫలితముపై అవలోకనము
షడ్రసోపేత మృష్టాన్న భోజనము – షడ్రుతువుల పంచాగఫల శ్రవణము
ఉగాది పర్వదిన సంబరాలివికాదె ఎంచిచూడగన్
అనాదిగ ఆచరించు సనాతన సంప్రదాయ రీతిన్
మరిదేమి ఈనాడు ఒక్కటీ కనిపించకుండగన్?
ఉగాదినాడే ఆర్ధిక సంవత్సరాంతమొచ్చి చచ్చెన్
ప్రత్యూష కిరణాలు పోయె, ఆడిటర్ ప్రభాత్ కిరణ్ అగుపించ
ఉషస్సు తేజస్సు కొల్పోయె, ఉస్సురని నిద్రలేమి ఆవరించ
స్త్రోత్రములు మరపు కొచ్చే, స్టోరు ఇన్వెంటరీ లెక్కతేలక
ప్రవచనాలు అటకక్కె, ప్రయాణ బిల్లు సెటిల్చెయ్యాలికనక
వస్త్రము కొత్తదనముపోయి, దస్త్రము దుమ్ము ఆవరించగ
ప్రసాద సేవనము సరిపోక, తేనీటి పావనములు సల్పంగ
దేవాలయ సందర్శన ఫలముల మాట దేవుడెరుగు
ఏటి బోనసు పుట్టముంచె ఆర్ధిక ఫలితాల పురుగు
సాయంత్ర పంచాగ శ్రవణమొక్కటి మటుకు తప్పదాయే
జాతకం మారునేమో మరు ఏడు అనె ఆశ చావనిదాయే
ఆశ మనిషి జీవనపు దిక్సూచి అని తెలిసినవాడిని కనక
మనసు ఊరకుండ మిత్రులకు అక్షర శుభాకాంక్షలు తెల్పక
పర్వదిన ప్రాముఖ్యత అదియె కదాయని సరిపెట్టుకునుచు
కొంగొత్త ఆశలతొ ఈ నూతన వత్సరమును స్వాగతించుచు

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information