Saturday, March 22, 2014

thumbnail

ఆమె ముందు అతనుగా నేను - రచన :బంగారు రామాచారి

ఆమె ముందు అతనుగా నేను 
- రచన :బంగారు రామాచారి



అతనుగా మారి నిశ్చలమనస్సుతో
 ఆమె ముందు మోకరిల్లి అన్నాను 
"నిజంగా నువ్వు నేను పొగొట్టుకున్న
 అమ్మలా వరమై దొరికావు" 

ఆమె కళ్ళలో నేను దాచుకున్న
 పసితనపు ప్రాయం గలగల నవ్వింది. 
లేమిలోను తపనలను తీర్చే 
ఆమె మనసెరిగి మసలుకునే 
నేను తాయిలంకోసం మారాడే 
పసివాడిభావనల మోముతో 
ఈ చీకటి జీవితంలో వెలుగు చూపే
 నువ్వే నా కంటి పాపవు అన్నాను. 

 ఆమె కళ్ళతోనే ముసిముసిగా నవ్వింది. 
బాల భానుని నులివెచ్చని లేత కిరణాలు 
కిటికీని వంచి మరిలోపలికి వచ్చి ముద్దాడినప్పుడు
 రెండు చేతుల్లో ఆమె రూపమే 
కమనీయంగా కనిపించింది.

 కంపన, ప్రకంపనల లోకంలో
 వెలుగు చీకటులేమైన ఉండనివ్వు
కాని ఒంటి చేత్తో ఇంటినిలాగుతూ 
నా బ్రతుకులో సూర్యోదయాలు, 
చంద్రోదయాలు విరజిమ్ముతున్న 
సూర్యుడు, చంద్రుడు, వెన్నెల 
వెలుగులన్ని నీవే కదా అన్నాను. 

ఆమె అటువైపుకు మరలింది 
అంతలోనే తిరిగి కళ్ళతో నవ్వింది
 అతనికి తాయిలం దొరికింది. 

బ్రతుకు కల(త)బడినప్పుడు
 ముడుచుకున్న తాబేలుగా 
భారజలనయనాలతో నేను 
లాలించి  పాలించే భూమికగా 
ఆమె సమస్యను సాగదీయవు, 
కానీ ఘడియ లోపే రాజీకి రప్పిస్తావుగా
 నీ మోములో పూచే ఆనందవర్ణాలు
 లెక్కింప నాతరమా అని నవ్వాను. 

 "నాకింకా బుద్దిపెరగలేదన్నావు" 
నిజమే అతనుగా ఎల్లకాలం ఆమెకు
 ఉపగ్రహాన్నేమరి వర్తమానంలోను, 
అనంత(ర) కాలంలోను ఆమే వెన్నెల, 
వెలుగులు పంచే మణిదీపమే.

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information